«Իսլամական պետություն» խմբավորման կողմից մահապատժի դատապարտված գերիներին պատժի իրագործման վայր են հասցնում երեխաները: Այդ մասին վկայում է ԻՊ-ի նոր քարոզչական տեսանյութը, որը հրապարակել է The Daily Mail-ը:
Ինչպես տեղեկացնում է gazeta.ru-ն, հրապարակված տեսանյութում կապված ձեռքերով ութ սիրիացի գերիներին ուղեկցում են զինված դեռահասները:
Մեկ շաբաթ առաջ հաղորդվել էր, որ «Իսլամական պետությունը» երեք ամիսների ընթացքում Սիրիայում առնվազն 400 երեխա է հավաքագրել:
«Իսլամական պետություն» ահաբեկչական խմբավորումը, որը զգալի տարածքներ է գրավել Սիրիայում և Իրաքում, այնտեղ իսլամական խալիֆայություն է հռչակել:
