Ռուսաստանը սիրիացի ժողովրդի տառապանքների համար կրում է պատասխանատվություն:
Այդ մասին Եգիպտոսում ընթացող Արաբական լիգիայի երկրներ խորհրդաժողովի ավարտին հայտարարել է Սաուդյան Արաբիայի արտգործնախարար Սաուդ ալ- Ֆեյսալը, նշելով, որ Ռուսաստանի խնդրի խաղաղ կարգավորման կոչերի հետ միաժամանակ, շարունակում է օժանդակել ու ռազմական օգնություն ցուցաբերել սեփական ժողովրդի դեմ պատերազմ սանձազերծած Սիրիայի անօրինական վարչախմբին:
Նրա խոսքերով, ռուսական զենքի միջոցով Բաշար Ասադի վարչախումբը շարունակում է հարձակողական գործողություններ ընդդիմադիրների նկատմամբ:
Վերջում նա շեշտել է, որ արաբական երկրների հետ բարեկամական հարաբերությունների հաստատման համար Ռուսաստանը պետք է կտրուկ փոխի իր քաղաքականությունը Մերձավոր Արեւելքում ու դադարեցնի Ասադին տրամադրվող օժանդակությունը: