Ռուսաստանի Դաշնության նախագահ Վլադիմիր Պուտինը կարող է ելույթ ունենալ Նյու Յորքում ՄԱԿ-ի Գլխավոր ասամբլեայի 70-րդ հոբելյանական նիստի բացմանը, որը տեղի կունենա այս տարվա սեպտեմբերին, գրում է «Коммерсантъ» թերթը:
Ինչպես թերթին հայտնել են Կրեմլին մոտ կանգնած երկու աղբյուր, պատրաստվում է սեպտեմբերին վերջին Նյու Յորք Պուտինի այցը: Այդ տեղեկությունը թերթին հաստատել է ՄԱԿ-ի քարտուղարությանը մոտ աղբյուրը:
Թերթի զրուցակիցները, այնուամենայնիվ, նշել են, որ չնայած այց նախատեսվում է, այդ հարցի շուրջ վերջնական հստակություն կլինի միայն օգոստոսի սկզբին: «Ամեն ինչ կախված կլինի միջազգային իրավիճակից»,- ասել է թերթի աղբյուրներից մեկը:
ՌԴ նախագահի մամուլի քարտուղար Դմիտրի Պեսկովը հաստատել է թերթին, որ այցի հնարավորությունն ուսումնասիրվում է։