Ուկրաինայի Պյոտր Սագայդաչնիի անվան ցամաքային զորքերի ակադեմիայի զինծառայողները Վրաստանի Սաչխերե քաղաքում սովորել են գործել լեռնային պայմաններում, տեղեկացնում է Грузия online-ը:
«Երեք շաբաթների ընթացքում ուկրաինացի զինծառայողները սովորել են գործողություններ իրականացնել լեռներում: Բացի այդ՝ ուշադրություն է դարձվել հեղեղումների պայմաններում զինծառայողների գործողություններին՝ տուժածներին գտնելու և տարհանելու հարցերին՝ որոնողական սարքավորումների միջոցով»,-ասված է Վրաստանի ՊՆ-ի հաղորդագրության մեջ:
Ուկրաինացի սպաների խոսքով՝ իրենց մոտ ադրենալին է առաջացրել լեռան գագաթին գտնվելը, որը ծովի մակարդակից 3.000 մետր բարձր է, իսկ վայրէջքն իրականացվել է դահուկներով: