Ապրիլի 9–ին Վլադիմիր Պուտինի հետ կայանալիք «ուղիղ կապի» հարցերի ընդունման հատուկ call-կենտրոնները և ինտերնետ–կայքերն աշխատանքը կսկսեն ապրիլի 9–ին, երեքշաբթի գրում է «Իզվեստիա» թերթը` հղում անելով Կրեմլի աղբյուրներին։
«Ըստ ավանդույթի` պետության ղեկավարին կարելի է հարց ուղղել` զանգահարելով հատուկ անվճար համարին, ուղարկելով անվճար SMS կամ ինտերնետ կայքով։ Համաշխարհային սարդոստայնով կարելի է նաև տեսահարց ուղղել»,– թերթը մեջբերում է նախագահի վարչակազմի զրուցակցին, հաղորդում է «ՌԻԱ Նովոստին»։
«Իզվեստիան» նշում է նաև, որ այս տարի հարցեր հավաքելու գործում կներգրավվեն նաև իրավապահները։ Նրանք կհետևեն խարդախ կայքերի հայտնվելուն, որոնք գումար կպահանջեն Ռուսաստանի նախագահի հարց տալու համար։
«Մենք օգնություն կխնդրենք մեր իրավապահներից»,– պարբերականը մեջբերում է նախագահի մամուլի քարտուղար Դմիտրի Պեսկովին։
Վլադիմիր Պուտինի հետ «ուղիղ կապը» կկայանա ապրիլի 16–ին։ Ուղիղ հեռարձակումը կլինի մի քանի հեռուստաալիքների և ռադիոկայանների եթերում։
