Ավստրալիայի վարչապետ Թոնի Էբոթը հայտարարել է, որ մասնակցելու է ապրիլի 24-ին Չանաքքալեի միջոցառումներին:
Ինչպես տեղեկացնում է «Ակօս»-ը, Ավստրալիայի կառավարությունը տեղեկացրել է, որ չի մասնակցելու ապրիլի 24-ին Երևանում կայանալիք Հայոց ցեղասպանության 100-րդ տարելիցի ոգեկոչման պաշտոնական միջոցառումներին:
Ավստրալիայի վարչապետն ընդունել է Թուրքիայի նախագահ Ռեջեփ Թայիփ Էրողանի հրավերը՝ մասնակցելու Գալիպոլիի հաղթանակի միջոցառումներին: Հայտարարությամբ հանդես եկած Ավստրալիայի արտգործնախարարությունը, սակայն, որոշման մանրամասներին չի անդրադարձել:
