Ստամբուլի Քարթալ թաղամասում Թուրքիայի իշխող «Արդարություն և զարգացում» կուսակցության գրասենյակ ներխուժած զինված անձը ձերբակալվել է, գրում է ՏԱՍՍ գործակալությունը։
Ինչպես հայտնում է տեղական հեռուստաընկերությունը՝ ոստիկանությունը հատուկ գործողություն է իրականացրել և ձերբակալել հանցագործին։
Հանցագործի դրդապատճառների մասին դեռևս չի հաղորդվում։ Այս առավոտ նա գրասենյակ էր մտել, դուրս հանել բոլոր աշխատակիցներին և փակվել ներսում։ Նա կոտրել է 7-հարկանի շենքի վերևի հարկի պատուհանները և այնտեղից կարմիր դրոշ կախել։
Հանցագործը պարբերաբար պատուհանից դուրս է նայել և ինչ-որ բան բղավել ներքևում գտնվող ոստիկաններին և անցորդներին։
