Բրազիլիայի Ռիո դե Ժանեյրո քաղաքի բնակիչները բողոքի ակցիաներ են սկսել, որոնք պայմանավորված են քաղաքի հետնախորշերից մեկում ոստիկանների կողմից 10-ամյա տղայի սպանության դեպքով:
Ինչպես նշում է korrespondent.net-ը, այս ողբերգական միջադեպն ուղղակի ցնցել է տեղացիներին ու դրդել բողոքի ացիաների կազմակերպմանը: Սրան ի պատասխան իրավապահները նրանց դեմ արցունքաբեր գազ են կիրառել:
Աղբյուրը մանրամասնում է, որ 10-ամյա տղան ու ևս 3 չափահաս սպանվել են հատուկ օպերացիայի շրջանակում: Տղայի հարազատների պնդմամբ՝ իրավապահները կրակել են երեխայի գլխին առանց որևէ պատճառի:
Այժմ ոստիկանությունը հետաքննություն է սկսել այն աշխատակիցների նկատմամբ, ովքեր կապ ունեն տղայի սպանության հետ:
