ԱՄՆ նախագահ Բարաք Օբաման յուրահատուկ ձևով է շնորհավորել ամերիկացիներին Սբ Զատկի տոնի առթիվ, գրում է segodnya.ua-ն։
Սպիտակ տան Facebook-յան էջում հայտնվել է Օբամայի լուսանկարը մեծ զատկական նապաստակի հետ (նապաստակը համարվում է կաթոլիկների Զատկի խորհրդանիշը)։ Լուսանկարիչը նրանց լուսանկարել է մեջքից և այն պահին, երբ նրանք նայելիս են եղել Վաշինգտոնի հուշահամալիրին։
Բացի այդ, էջում տեղադրվել են նաև նախագահի և նրա կնոջ ու երեխաների լուսանկարը, որի տակ գրված է՝ «Օբամաների ընտանիքից՝ Զատկի առթիվ»։
Իսկ Օբամայի Facebook-յան էջում տեղադրված է նախագահի սիրելի շներից մեկի լուսանկարը, սակայն՝ խաղալիք նապաստակի ականջներով։ «Երջանիկ Զատիկ»,- գրել է նախագահը։
