Նյու Յորքում անհայտ անձինք զբոսայգիներից մեկում տեղադրել են Կենտրոնական հետախուզական վարչության նախկին աշխատակից Էդվարդ Սնոուդենի արձանը, գրում է gazeta.ru-ն:
Արձանը տեղադրել են սյան վրա, որը տեղադրվել է ԱՄՆ անկախության համար պատերազմի տարիներին զոհվածների հիշատակին:
«Եթե մենք նայենք պատմությանը, այն մարդիկ, որոնց մենք հիմա հուշարձանների ենք արժանացնում, այդ թվում՝ նրանց, ովքեր պայքարել են բրիտանական իշխանության դեմ, ժամանակին հանցագործներ են եղել: Այժմ նրանք հերոսներ են»,- հայտնել են հուշարձանի հեղինակներն անանունության սկզբունքով:
Նրանց խոսքերով՝ Սնոուդենի և երկրի անկախության համար պայքարողների կապը պատահական չէ:
Հուշարձանն ապամոնտաժվել է տեղադրումից մի քանի ժամ անց:
Հիշեցնենք, որ Սնոուդենը բացահայտել էր ԱՄՆ հատուկ ծառայությունների ապօրինի գործունեությունը, ինչի համար լքել է երկիրը։
