Կրեմլը դեռ դիտարկում է ՌԴ նախագահ Վլադիմիր Պուտինի այցը Երևան՝ Ցեղասպանության 100-ամյակին նվիրված հիշատակի միջոցառումներին մասնակցելու համար, հայտնում է ՏԱՍՍ գործակալությունը։
«Շարունակում է քննարկվել այցի հնարավորությունը, մենք կանենք համապատասխան հայտարարություն»,- ասել է ՌԴ ղեկավարի մամուլի խոսնակ Դմիտրի Պեսկովը։
Կրեմլի ներկայացուցիչը չի պատասխանել հարցին՝ արդյոք կմեկնի Պուտինը Թուրքիա՝ Չանաքքալեի ճակատամարտի 100-ամյակի տոնակատարություններին մասնակցելու։
«Ռուսաստանը հիշատակի միջոցառումներին կներկայանա բարձր մակարդակով, որոնք պլանավորված են մեր թուրք գործընկերների կողմից Չանաքքալեում»,- վստահեցրել է Պեսկովը։
