ԱՄՆ նախագահ Բարաք Օբաման Կուբային հանել է ահաբեկչությունը հովանավորող երկրների ցուցակից: Ինչպես փոխանցում է INTERFAX.RU-ն` Associated Press-ին հղումով, այս մասին այսօր հայտնել է Սպիտակ տունը:
Վերջնական որոշումն ընդունվել է Պետդեպարտամենտում ԱՄՆ Նախագահի խորհրդակցությունից հետո:
Կոնգրեսին հղված ուղերձում Օբաման հայտարարել է, որ Կուբայի իշխանությունները վերջին վեց ամսում աջակցություն չեն ցուցաբերել ահաբեկչությանը: Բացի այդ, ԱՄՆ Նախագահը նշել է, որ Կուբան երաշխավորել է ապագայում միջազգային ահաբեկչությանը չաջակցելու հարցը:
Օբաման այս հայտարարությունն արել է Կուբայի ղեկավար Ռաուլ Կաստրոյի հետ բանակցություններից երկու օր անց: