Թբիլիսիում՝ Չիտաձե փողոցում, ձերբակալվել է զինված տղամարդ: Ոչ սթափ վիճակում գտնվող տղամարդը հրազենով օդ է կրակել:
Ինչպես հայտնում է Վրաստանի ՆԳՆ-ն, տղամարդն արդեն ձերբակալվել է: Դեպքի հետևանքով ոչ ոք չի տուժել:
Դեպքը տեղի է ունեցել այսօր առավոտյան Վրաստանի արտաքին գործերի նախարարությանը և N47 դպրոցին հարող տարածքում: Այդ վայրից մոտ 100 մետր հեռավորության վրա գտնվում է Վրաստանի նախագահ Գեորգի Մարգվելաշվիլիի բնակարանը:
