Հանրապետության Սյունիքի մարզպետարանին հատկացված, սակայն հողօգտագործողների կողմից վճարունակ պահանջարկի բացակայության պատճառով 2014 թվականին չիրացված 30 տոննա կորնգանի սերմացուն մինչև 2014 թվականի տարեվերջ անվճար կհատկացվի հողօգտագործողներին: Այդ մասին որոշման նախագիծն ընդգրկված է ՀՀ կառավարության դեկտեմբերի 25-ի նիստի օրակարգում:
Կորնգանը կտրամադրվի 2015 թվականի գարնանը ցանք կատարելու համար:
«Լուրջ դժվարություններ են առաջացել 2013 թվականին ՀՀ Սյունիքի մարզին հատկացված, սակայն չիրացված 30 տոննա կորնգանի սերմացուների իրացման հարցում։ Հաշվի առնելով վերոգրյալը` անհրաժեշտություն է առաջացել 2013-ին ՀՀ Սյունիքի մարզում չիրացված 30 տոննա կորնգանի սերմացուն նույնպես հողօգտագործողներին հատկացնել անվճար»,- ասված է նախագծի հիմնավորման մեջ:
