ԱՄՆ–ում Լեռնային Ղարաբաղի Հանրապետության մշտական ներկայացուցիչ Ռոբերտ Ավետիսյանն ելույթ է ունեցել Նորթրիջի Կալիֆորնիայի պետական համալսարանի քաղաքագիտության ֆակուլտետի ուսանողների առջև:
«ԼՂՀ ներկայացուցիչն անդրադարձել է Արցախի պատմությանը, ԼՂՀ-ում պետականաշինության գործընթացների առանձնահատկություններին ու հեռանկարներին, ինչպես նաև ներկայացրել է ադրբեջանա-ղարաբաղյան հակամարտության կարգավորման բանակցային գործընթացի ներկայիս փուլը»,– հաղորդում է ԼՂՀ ԱԳՆ մամուլի ծառայությունը։
Ելույթից հետո Ռոբերտ Ավետիսյանը պատասխանել է լսարանի հարցերին:
Նորթրիջի Կալիֆորնիայի պետական համալսարան այցելության շրջանակներում՝ ԼՂՀ ներկայացուցիչը առանձին հանդիպում է ունեցել նաև համալսարանի հայ ուսանողների միության ներկայացուցիչների հետ:
