Ռուսաստանի նախագահ Վլադիմիր Պուտինը, անդրադառնալով Թուրքիայի և Վատիկանի վեճին, Պապին անվանել է մի մարդ, ով գիտի առարկան, որի մասին խոսում է։
«Դուք գիտեք` ես չեմ ցանկանում միջամտել Թուրքիայի հետ Պապի առճակատմանը։ Պապին աշխարհում այնքան հեղինակավոր մարդ եմ համարում, որ նա ձևը կգտնի մեր մոլորակի բոլոր մարդկանց հետ բացատրվելու ձևն անկախ նրանց դավանանքից։ Նա անկեղծ մարդ է և գիտի առարկան, որի մասին խոսում է»,– ասել է Պուտինը պատասխանելով լրագրողների հարցերին «Ուղիղ կապի» ավարտից հետո։
«Ես չեմ հասկանում այժմ, թե ինչի մասին է խոսքը, ես պարզապես չեմ տեսել վերջին լուրերը, վերջին հայտարարությունները։ Բայց վստահ եմ, որ Թուրքիայում էլ խելացի և բավականին ճկուն մարդիկ կան, որ խնդրի հայտնվելու դեպքում, վերացնեն այն»,– ասել է ՌԴ նախագահը։
Ինչ վերաբերում է Մերձավոր Արևելքին և քրիստոնյաներին, ապա, ըստ նրա, դրությունը սարսափելի է։ «Մենք շատ անգամներ ենք այդ մասին խոսել և կարծում ենք, որ միջազգային հանրությունը բավարար քայլեր չյ անում Մերձավոր Արևելքի քրիստոնյա բնակչությանը պաշտպանելու համար։ Ձեր ուշադրությունն եմ հրավիրում այն հանգամանքին, որ Մերձավոր Արևելքը քրիստոնեության հայրենիքն է, քրիստոնյաներն ապրել են այնտեղ դարեր ի վեր, հազարավոր տարիներ։ Եվ տխուր է, որ այժմ միջազգային հանրությունը չի կարող պաշտպանել այն մարդկանց, ովքեր ունեն միջազգային հանրության պաշտպանության կարիքը»,– ասել է Պուտինը։
