Իրանի և միջազգային միջնորդների «վեցնյակի» (ՄԱԿ-ի ԱԽ-ի 5 մշտական անդամ և Գերմանիա) միջև բանակցությունների հերթական փուլը կարող է կայանալ արդեն հաջորդ շաբաթ՝ Նյու Յորքում: Այս մասին ТАСС–ին հաղորդել է բանակցային գործընթացին մասնակցող արևմտյան դիվանագիտական աղբյուրը:
«Ամենայն հավանականությամբ՝ փորձագետները կհանդիպեն հաջորդ շաբաթ՝ ԱՄՆ-ում, որպեսզի շարունակեն համապարփակ համաձայնագրի տեքստի մշակման աշխատանքները», - հստակեցրել է գործակալության զրուցակիցը: