Սիրիական ընդդիմադիր և ակտիվիստական խմբերը չորեքշաբթի հաղորդել են երկրի հյուսիսարևմտյան Իդլիբ շրջանում ենթադրյալ քիմիական հարձակման մասին: Խմբերից մեկը հաղորդել է տասնյակ «խեղդվող» մարդկանց մասին, հայտնում է Associated Press գործակալությունը:
Իդլիբում գտնվող մի քանի խմբերի հաղորդմամբ՝ կառավարական ուղղաթիռները քլորին պարունակող առնվազն երկու բարելային ռումբ են նետել Սարաքեբ քաղաքի վրա:
Մարդու իրավունքների սիրիական ցանցը հայտնել է, որ 12 մարդ «խեղդվում է»:
Գործակալությունը նշում է, որ հնարավոր չի եղել ստուգել տեղեկությունները:
