Ինչպես հաղորդում է BBC գործակալությունը, Բրազիլիայի Պարանա նահանգում իրականացվող ցույցերի ընթացքում ոստիկանության ու ցուցարարների միջեւ բախումների հետեւանքով տուժել է ավելի քան 200 մարդ:
Բողոքի ցույցերը կազմակերպել են մանկավարժներն, որոնց են միացել մի շարք այլ կազմակերպությունների ու արհմիությունների ներկայացուցիչներ:
Ցուցարարները հանդես են եկել սոցիալական ապահովության բարեկարգման պահանջով:
Ցուցարարները փորձել են ներխուժել Պարանայի շրջանային ադմինիստրացիա, ինչի հետեւանքով բախումներ են սկսվել ցուցարարների ու իրավապահների միջեւ:
Բախումների հետեւանքով տուժել է քսան ոստիկան ու ավելի քան 200 քաղաքացի:
Ոստիկանությունը ցուցարարների դեմ կիրառել է արցունքաբեր գազ, ջրանետեր ու ռետինե գնդակներ:
Ոստիկանության տվյալներով բախումները հրահրել են դիմակավորված անձինք:
Անկարգությունների ընթացքում տուժել են 2 լրագրողներ, որոնցից մեկի ոտքը կծել է ոստիկանական շունը, իսկ մյուսին՝ դանակահարելլ են:
