ermenihaber-ը գրում է.
«Fitch» միջազգային վարկանիշային գործակալությունը Թուրքիայի տնտեսության վերաբերյալ զեկույց է հրապարակել, որում ներկայացվել է առաջիկա ժամանակահատվածում Թուրքիայում քաղաքական և տնտեսական զարգացումները:
Թուրքական «Zaman» պարբերականի տեղեկացմամբ՝ զեկույցում նշվում է, որ Թուքիայում ինֆլացիան և գործազրկությունը կաճի, արտահանումը կնվազի, դոլարը կարժևորվի լիրայի նկատմամբ (1 դոլարը կարժենա 3 լիրա), Թուրքիայի յուրաքանչյուր քաղաքացի կաղքատանա 1000 դոլարով:
Մեկ անձին բաժին ընկնող համախառան ազգային եկամուտը 10.500 դոլարից կնվազի՝ դառնալով 9.560 դոլար: Թուրքիայում 6 միլիոնից ավելի գործազուրկների թվի աճի և արտահման ծավալների անկման մասին կանխատեսում անող «Fitch»-ի զեկույցը ուղարկվել է տարբեր ընկերությունների: Համաձայն այդ զեկույցի գնահատականների՝ մեծ ընկերությունները փոխում են Թուրքիայում իրենց ներդրումային քաղաքականությունը:
«Zaman»-ը նշում է, որ զեկույցի մեջ առանձին ուշադրություն է դարձվում Թուրքիայում քաղաքական անորոշության վրա՝ նշելով, որ կա քաղաքական բարձր լարվածությունը:
