Գերմանիայի խորհրդարանի ընդդիմադիր ուժերը պահանջել են կառավարությունից փոխհատուցել երկրորդ համաշխարհային պատերազմի տարիների գերմանական համակենտրոնացման ճամբարներում պահվող խորհրդային զինվորներին՝ նրանց կրած զրկանքների համար:
Այդ մասին գրում է գերմանական Tageszeitung պարբերականը, նշելով, որ ընդդիմադիրների առաջարկը քննադատության է ենթարկվել իշխող կոալիցիայի կողմից:
Պարբերականը տեղեկացնում է, որ պատրազմի տարիններին գերմանական ֆաշիստները առանձնակի դաժանությամբ են վերաբերվել խորհրդային զինվորների հետ, իսկ արեւմտյան երկրների ռազմագերինների նկատմամ կիրառել առավել մեղմ պատիժներ:
Գերմանական գերության մեջ հայտնված շուրջ 5 միլիոն կարմիրբանակայիններից ներկայումս ողջ են մնացել 2 հազարը:
Ընդդիմադիր ձախերը պահանջում են նրանց տրամադրել 7670 եվրո դրամական փոխհատուցում՝ միաժամանակ նշելով, որ խնդիրն ավելի շատ պետք է դիտարկել մարդկային տեսակյունից՝ խոստովանել ֆաշիստների գործած մեղքերն ու դատապարտել նրանց:
1993-2000թթ.-ին Գերմանիան որոշակի փոխհատուցում է տրամադրել ֆաշիզմից տուժած քաղաքացիներին ու նրանց հարազատներին, սակայն, ռազմագերիներին այդպես էլ չի հատկացրել դրամական փոխհատուցում:
