Ինչպես հաղորդում է Ռիա նովոստի գործակալությունը, Եգիպտոսի նախագահի գնահատմամբ Կահիրեն կշարունակի Ռուսաստանի հետ փոխշահավետ համագործակցությունը մի շարք բնագավառներում:
Այդ մասին Եգիպտոսի նախագահը հայտնել է Մոսկվայի հաղթական միջոցառումների շրջանակում, որտեղ նա գտնվում է Ռուսաստանի նախագահ Վլադիմիր Պուտինի հրավերով:
Ավելի վաղ Պուտինը պաշտոնական այց էր կատարել Եգիպտոս, որտեղ քննարկվել էին միջպետական համագործակցության մի շարք խնդիրներ:
Մասնավորապես Ռուսաստանի օժանդակությամբ Եգիպտոսում կմոդեռնիզացվեն ԽՍՀՄ օգնությամբ կառուցված արդյունաբերական օբյեկտներն ու էլեկտրակայանները, զարկ կտրվի գյուղատնտեսության ոլորտում ռուսական ապրանքատեսակների լայն կիրառմանը:
Կողմերը կզարգացնեն համագործակցությունը ռազմա-տեխնիկական բնագավառում ու միջազգային ահաբեկչության դեմ պայքարում: Ներկայումս երկու երկրների միջեւ ապրանքաշրջանառությունը կազմում է 4,62 միլիարդ դոլար:
