Փենսիլվանիայում գնացքի վթարի հետևանքով առնվազն 5 մարդ է զոհվել, այս մասին լրագրողներին հայտնել է Ֆիլադելֆիայի քաղաքապետ Մայքլ Նաթերը, հաղորդում է «ՌԻԱ Նովոստին»։
«Ցավոք, մենք կարող ենք փաստել, որ առնվազն 5 մարդ է զոհվել», – հայտարարել է քաղաքապետը ամերիկյան հեռուստաալիքների ուղիղ եթերում։
Հրշեջ հաշվարկի ներկայացուցիչն ավելացրել է, որ 53 մարդ տեղափոխվել է հիվանդանոց, վեցը ծայրահեղ ծանր վիճակում են։
