Ապրիլի 25–ին Նեպալում տեղի ունեցած հզոր երկրաշարժից հետո Ռիխտերի սանդղակով 4 մագնիտուդից ավել նվազագույնը 202 հետցնցում է գրանցվել, հաղորդում է «ՌԻԱ Նովոստին»` հղում անելով NDTV հնդկական հեռուստաալիքին։
Երկրաշարժի Էպիկենտրոնը գտնվում էր մայրաքաղաք Կատմանդուից 82 կմ դեպի հյուսիս–արևմուտք, օջախը 15 կմ խորության վրա է։ Նեպալի ոստիկանությունը հաստատել է, որ մահացել է ավելի քան 8,1 հազար մարդ։ Տուժել է ավելի քան 16 հազարը։
Առնվազն 36 ցնցում է գրանցվել երեքշաբթի տեղի ունեցած երկրաշարժից հետո։
