ԼՂ հակամարտությունը պետք է լուծվի բացառապես միջազգային իրավունքին համապատասխան. Ալիև

Ադրբեջանի նախագահ Իլհամ Ալիևը Վիետնամի նախագահ Չիոնգ Թան Շանգի պատվին պաշտոնական ընդունելության ժամանակ իր ելույթում նշել է, որ տարածաշրջանի ամենացավոտ խնդիրը՝ Լեռնային Ղարաբաղի հակամարտությունը, դեռևս մնում է չլուծված։

«Հակամարտությունը պետք է լուծվի բացառապես միջազգային իրավունքին համապատասխան՝ Ադրբեջանի տարածքային ամբողջականության շրջանակում: Չմիավորման շարժման գագաթնաժողովին 120 երկրներ բանաձև են ընդունել ԼՂ հակամարտության կարգավորման մասին՝ Ադրբեջանի տարածքային ամբողջականության շրջանակում»,- APA լրատվական գործակալության փոխանցմամբ՝ ասել է Ադրբեջանի նախագահը։