TRT Haber հեռուստաալիքի փոխանցմամբ` Թուրքիայի վարչապետ Ահմեթ Դավութօղլուն հայտարարել է, որ Թուրքիան մտադիր է զարգացնել պաշտպանական արդյունաբերությունը:
«Թուրքիան ծրագրում է կործանիչների հայրենական արտադրություն սկսել, և, միանշանակ, Անկարան կարող է իրականացնել այդ նախագիծը։ Հայրենական արտադրության կործանիչը շահագործման կհանձնվի արդեն 2023 թվականին»,- ասել է երկրի վարչապետը:
Դավութօղլուն նաև հավելել է, որ Թուրքիան պետք է լիովին անկախ դառնա պաշտպանական արդյունաբերության ոլորտում։
