Վերջին շրջանում Ուկրաինայում ներքին տեղահանվածների և նրանց թիվը հասել է աղետալի մասշտաբների՝ գրում է անգլալեզու RT-ն: Չնայած մինսկյան պայմանավորվածություններին՝ երկրի արևելքում հրաձգությունները շարունակվում են:
ՄԱԿ-ի փախստականների հարցերով գերագույն հանձնակատարի վարչության տվյալներով՝ արտասահմանում արդեն ապաստան է խնդրել 857 հազար ուկրաինացի: Վերջին 2 շաբաթում այդ թիվն ավելացել է 23 հազար մարդով:
ՄԱԿ-ի մարդասիրական օգնության համակարգման վարչության տվյալներով՝ 2014թ. ապրիլի կեսից մինչև 2015թ. մայիսի 14-ը Ուկրաինայում զոհվել է նվազագույնը 6334 մարդ, ավելի քան 15 հազարը վիրավորվել են:
