Ստամբուլի ոստիկանական վարչության հետախուզության բաժնի նախկին պետ Ալի Ֆուաթ Յըլմազըրը ձերբակալվել է` 2007 թվականին «Ակոս» հայ–թուրքական թերթի գլխավոր խմբագիր Հրանտ Դինքի սպանության գործով, հաղորդում է «ՌԻԱ Նովոստին»։
Ստամբուլի դատարանը լսել է Յըլմազըրի ցուցմունքները Դինքի սպանության գործով և որոշում է կայացրել նրան կալանավորելու վերաբերյալ «հանցավոր կազմակերպության ստեղծում», ինչպես նաև «հանցակցություն և սադրանք» հոդվածներով մեղադրանքով, ուրբաթ հայտնում է Anadolu գործակալությունը։
Ավելի վաղ Յըլմազըրի դեմ մեղադրանքներ էին առաջադրվել «զուգահեռ պետությանը» մասնակից լինելու համար. երկրում այդպես են կոչում «Հիզմեթ» շարժման մասնակիցներին, ովքեր աշխատում են իշխանական կառույցներում, և որոնց իբր ոգեշնչում և ֆինանսավորում է ԱՄՆ–ում բնակվող իսլամական ընդդիմադիր քարոզիչ Ֆեթհուլահ Գյուլենը։ Թուրքիայի նախագահ Թայիպ Էրդողանի կարծիքով` Գյուլենը ձգտում է պաշտոնանկ անել թուրքական կառավարությանը։
