Թուրքիայի նախագահ Ռեջեփ Թայիփ Էրդողանը դատական հայց է ներկայացրել ընդդիմադիր Ժողովրդահանրապետական կուսակցության առաջնորդ Քեմալ Քըլըչդարօղլուի դեմ, հայտնում է Anadolu գործակալությունը։
Ընդդիմադիրը Էրդողանին մեղադրել է չափազանց շռայլ ապրելակերպի մեջ: Ընդդիմության առաջնորդը հայտարարել է, որ Անկարայում Ակ-Սարայ նախագահական նոր պալատի կառուցման համար ոսկի է օգտագործվել, և որ նախագահական պալատում զուգարանակոնքերը նույնպես ոսկուց են։
Ի պատասխան՝ Էրդողանը պալատ է հրավիրել ընդդիմության ներկայացուցչների և հայտարարել, որ եթե նրանք այնտեղ գտնեն գոնե մեկ ոսկե աթոռակ, նա իր պաշտոնից հրաժարական կտա: Դատարանի կողմից բողոքի բավարարման դեպքում Էրդողանը կստանա $37 հազար դոլարի հատուցում:
Ավելի վաղ Թուրքիայի ֆինանսների նախարար Մեհմեթ Շիմշեկը հայտարարել էր, որ շինարարության վրա ծախսվել է 1.37 մլրդ լիրա։