Ինչպես հաղորդում է Ռիա նովոստի գործակալությունը, Եվրամիության ու Վրաստանի միջեւ կնքված համաձայնագրի համաձայն, Վրաստանի դատական համակարգի բարեփոխումների համար ԵՄ-ը կտրամադրի 50 միլիոն եվրո:
Միաժամանակ ԵՄ-ը Վրաստանին մարդու իրավունքների պաշտպանության համար կտրամադրի լրացուցիչ 10 միլիոն եվրո:
Դատական բարեփոխումները իրենցում ներառելու են դատական համակարգի 5 ոլորտներ:
Ավելի վաղ, քրեական իրավունքի բարենորոգումների համար Եվրամիությունը Վրաստանին հատկացրել էր ֆինանսական միջոցներ, ինչի արդյունքում վերանայվել էր քրեական օրենսդրությունը, մի շարք բարեփոխումներ էին իրականացվել դատախազությունում, ոստիկանությունում ու դատարաններում:
Մարդու իրավունքների պաշտպանության բնագավառում նոր բարենորոգումների արդյունքում որոշվել է առանձնակի ուշադրություն դարձնել Վրաստանի ազգային փոքրամասնություններին:
