Մայիսի 31-ին Կալիֆորնիա նահանգի Օքլենդի Սուրբ Վարդան եկեղեցում տեղի կունենա Մեթյու Քարանյանի «Պատմական Հայաստանը 100 տարի անց» գրքի շնորհանդեսը, հաղորդում է Asbarez-ը:
շնորհանդեսի ընթացքում ներկայացվելու են Արևմտյան Հայաստանի լուսանկարները, ինչպես նաև տեղի կունենա Հայաստանի պատմական և մշակութային վայրերի լուսանկարչական ուղեցույց ստեղծելու վերաբերյալ քննարկումը:
Քարանյանի «Պատմական Հայաստանը 100 տարի անց. Անին, Կարսը և Արևմտյան Հայաստանի 6 նահանգները» գիրքն առաջինն է իր տեսակի մեջ. այն լույս է տեսել այս տարի:
Գրքում ներառված են 125 գունավոր լուսանկարներ և քարտեզներ, որոնցում պատկերված են Արևմտյան Հայաստանում դեռևս առկա եկեղեցիների և վանքերի ներկայիս պատկերները:
Գրքում իրենց տեղն են գտել նաև դարավոր վաղեմության լուսանկարները, որոնք վկայում են Ցեղասպանությունից հետո հարյուր տարիների ընթացքում իրականացրած ոչնչացումն ու վանդալիզմը:
Քարանյանի խոսքով՝ գիրքը լույս է սփռում Արևմտյան Հայաստանի վրա և մարտահրավեր նետում ոչնչացմանը: Հեղինակը ներկայացնում է գիրքը որպես փրկված պատմական հայրենիքի տոն: