Google ընկերությունը ներկայացրել է Glass «խելացի» ակնոցների համար դիոպտրներով (բեկաչափ. ոսպնյակի բեկման ուժի չափման միավոր, որը հավասար է մետրերով հաշված նրա կիզակետային հեռավորության հակադարձին) շրջանակ, գրում է gazeta.ru-ն՝ հղում անելով Google Glass-ին:
Նոր հավաքածուն ստացել է Titanium Collection անվանումը: Օգտատերերին առաջարկվում է տիտանի խառնուրդից շրջանակների չորս մոդել: Դրանք համատեղելի են սովորական լինզաների և դիոպտրներով լինզաների հետ:
Google Glass-ի նոր հավաքածուին նվիրված տեսահոլովակը կարելի է տեսնել YouTube-ում:
Ավելի վաղ հաղորդվել է, որ Rochester Optical ընկերությունը ներկայացրել է դիոպտրներով լինզաներով Google Glass ակնոց-համակարգիչների տարբերակը:
