Երկու հայ մարզիկներ մեդալներ են նվաճել Գերմանիայի Դրեզդեն քաղաքում ապրիլի 23-26-ը անցկացված ջրացատկի երիտասարդական միջազգային մրցաշարում, նշվում է ՀՀ սպորտի և երիտասարդության հարցերի նախարարության կայքում։
Աշտարակացատկ վարժությունում Վլադիմիր Հարությունյանը նվաճել է ոսկե մեդալ, իսկ Ազատ Հարությունյանն արժանացել է բրոնզե մեդալի։
Սինքրոն ցատկ վարժությունում Վլադիմիր և Ազատ Հարությունյան եղբայրները 29 երկիր ներկայացնող մարզիկների շարքում հայտնվել են լավագույն տասնյակում՝ զբաղեցնելով 6-րդ տեղը:
