Բաքվի խաղերին Հայաստանը հրաձգություն մարզաձևում կներկայացնեն երկու մարզիկներ:
Բաքվի առաջին Եվրոպական խաղերում Հայաստանը հրաձգություն մարզաձևում կներկայացնեն երկու մարզիկներ: «Հայաստանն այդ խաղերին կներակայացնեն հրացանաձիգ Հրաչիկ Բաբայանը և ատրճանակ կրակող Նորայր Առաքելյանը»,«Արմենպրես»ի հետ զրույցում ասաց Հայաստանի հրաձգության հավաքականի գլխավոր մարզիչ Սեյրան Նիկողոսյանը: Վերջինիս խոսքով՝ մարզիկների, նրանց ծնողների հետ ընդհանոր քննարկման արդյունքում է որոշվել նրանց վերջնական մասնակցության մասին:
Առաջին Եվրոպական խաղերը կանցկացվեն Բաքվում 2015 թվականի հունիսի 12-28-ը։ Հայաստանն այդ խաղերում ներկայացված կլինի 6 մարզաձևով` բռնցքամարտ, ըմբշամարտ, սամբո, ձյուդո, թաեքվանդո, հրաձգություն: Այս խաղերի համար նախատիպ են եղել Համաամերիկյան եւ Ասիական խաղերը: Եվրոպական խաղերի ծրագրում ընդգրկված են 16 օլիմպիական և 4 ոչ օլիմպիական մարզաձևեր: