Հաջորդ մրցաշրջանից Դորտմունդի «Բորուսիայի» գլխավոր մարզիչ Թոմաս Տուխելը մտադիր չէ տրանսֆերային առաջիկա պատուհանի ընթացքում վաճառել Հայաստանի հավաքականի ֆուտբոլիստ Հենրիխ Մխիթարյանին:
Նման տեղեկություն է հայտնվել Գերմանական «BILD» պարբերականի այսօրվա համարում։
Հիշեցնենք, որ ավելի վաղ մամուլում շրջանառվում էր տեղեկություն, այն մասին, որ հայ ֆուտբոլիստի ծառայություններով հետաքրքրված է «Յուվենտուսը» և մի շարք ակումբներ:
Նշենք, որ մրցաշրջանի ավարտից հետո «Բորուսիայի» գլխավոր մարզչի պաշտոնում Թոմաս Տուխելը փոխարինելու է Յուրգեն Կլոպին:
