«Էյր Արմենիա» ավիաընկերությունը մինչև մարտի վերջ հետաձգել է դեպի Նիժնի Նովգորոդ չվերթը։
Այս մասին տեղեկացնում է mail.ru-ն:
Ըստ աղբյուրի՝ «Նիժնի Նովգորոդ» միջազգային օդանավակայանի մամլո ծառայությունից հայտնել են, որ պատճառը ամառային ժամանակացույցի անցումն է։
«Շուտով օդանավակայանը կսկսի աշխատել ամառային ժամանակացույցով և հնարավոր է երևանյան թռիչքները վերականգնվեն»,- հայտնել են մամլո ծառայությունից։
Ստրիգինոյում ամառային գրաֆիկը կգործի 2015թ. մարտի 29-ից։
