Ինչպես հաղորդում է ՏԱՍՍ գործակալությունը, Օդեսայի շրջանային ադմիրինիստացիայի նորանշանակ ղեկավար ու Վրաստանի նախկին նախագահ Միխայիլ Սահակաշվիլին վստահեցրել է, որ առաջին անհրաժեշտության դեպքում կվերադառնա Վրաստան:
Նրա կարծիքով, առաջիկա 2016թ.-ի ընտրություններում իր կուսակցությունը հաղթանակ է տանելու՝ միաժամանակ ավելացնելով, որ իրավիճակն իր հայրենիքում կտրուկ փոխվել է, ուստի նոր զարգացումներ են սպասվում:
Սահակաշվիլին մտադիր է Օդեսայում պաշտոնանկ անել շուրջ 24 շրջանային ղեկավարների:
Նրա խոսքերով դա անհրաժեշտ է Օդեսայում կարգուկանոն հաստատելու ու կոռուպցիային վերջ դնելու համար:
Հիշեցնենք, որ Սահակաշվիլին ստանալով Ուկրաինայի քաղաքացիություն, Պորոշենկոյի հրամանագրրով նշանակվել է Օդեսայի շրջանային ադմինիստրացիայի ղեկավար պաշտոնում:
Զավեշտալին այն է, որ Սահակաշվիլու դեմ Վրաստանում քրեական գործ ու հետախուզում է հայտարարված:
