ԱՄՆ պետքարտուղար Ջոն Քերին, բարեհաջող վիրահատությունից հետո, սկսել է քայլել հենակների օգնությամբ: Այս մասին հայտնում է TASS-գործակալությունը՝ հղում անելով Պետդեպի խոսնակ Մարի Հարֆին:
Պետդեպի խոսնակի խոսքերով՝ ստացված վնասվածքի պատճառով ԱՄՆ պետքարտուղարի օրակարգը թերի է։
Հայտնի է, որ վիրահատությունը եղել է տեղական անզգայացմամբ և տևել է 4 ժամ։ Պետքարտուղար Քերիի ոտքը վիրահատել է Մասաչուսեթսի հիվանդանոցի վիրաբույժը:
Նշվում է, որ վիրահատությունը հաջող է անցել, առանց բարդությունների: Սպասվում է, որ առաջիկայում Քերին դուրս կգրվի հիվանդանոցից:
