Մեծ Բրիտանիայի լորդերի պալատը հունիսի 16–ին կքննարկի Հայոց ցեղասպանության հարցը, գրում է «Հայկական ժամանակ» օրաթերթը։
Հայերի, ասորիների և հույների` 1915 թվականին իրականացված ցեղասպանության հարցը կներկայացնի բարոնուհի Քերոլայն Քոքսը։
Երևանում ապրիլին Հայոց ցեղասպանության 100–րդ տարելիցին նվիրված միջոցառումների ժամանակ բարոնուհի Քոքսը հայտարարել էր, որ Հայոց ցեղասպանության հարցում Մեծ Բրիտանիայի դիրքորոշումը որոշակի փոփոխություններ է կրել։ Միաժամանակ, թերթը նշում է, որ Մեծ Բրիտանիայում Ցեղասպանության ճանաչման հնարավորությունները շատ քիչ են։
