«Եվրո-2016»-ի ընտրական փուլի շրջանակներում կայացած Հայաստան – Պորտուգալիա (2:3) խաղից հետո մեր ընտրանու գլխավոր մարզիչ Սարգիս Հովսեփյանը պատասխանեց լրագրողների հարցերին:
«Մեծ նվիրում կար և ամենակարևորը՝ որակ: Մեզ ուշադրությունը չբավականացրեց: Բազմիցս ասել եմ, որ գերաստղերի դեմ պետք է առավել ուշադիր լինենք: Ամեն դեպքում, ընդհանուր խաղից գոհ եմ: Պորտուգալիան գոլ խփելուց հետո հետ քաշվեց: Մեզ չհերիքեց երրորդ գոլը: Պորտուգալիան լավ էր պաշտպանվում, լավ փոփոխություններ կատարեց: Չստացվեց մեզ մոտ: Այսպես էլ է լինում: Դա ֆուտբոլ է»:
