Հրազենի արտադրությամբ զբաղվող Colt Defense LLC–ի սնանկության ընթացակարգը չի ազդի ԱՄՆ–ի բանակին հրաձգային զենք մատակարարելու վրա, հայտարարել են ընկերության ներկայացուցիչները։ Այս մասին հաղորդում է ՌԻԱ Նովոստին։
Ընկերությունը հրազեն է արտադրում ԱՄՆ–ի բանակի համար։
Colt Defense–ը սնանկության մասին պաշտոնական դիմում է ներկայացրել` համաձայն ԱՄՆ–ի սնանկության մասին օրենսգրքի 11–րդ հոդվածի։
Ընկերությունը մեծ հաջողությունների էր հասել 1990–ականների սկզբից մինչև 2000–ականների սկիզբն ընկած ժամանակահատվածում, երբ կատարում էր ԱՄՆ–ի բանակի խոշոր պետական պատվերները։
