Ուկրիանական Репортер պարբերականը վերջին համարներից մեկում «Հարյուր տարվա մենություն: Ինչպես է պատմությունը դառնում քաղաքականության գերին» վերնագրով ծավալուն անդրադարձ է կատարել Հայոց ցեղասպանությանը, գրում է Panorama.am-ը:
Հոդվածագիրը պատմական անդրադարձ է կատարել Ցեղասպանությանը՝ մեջբերելով ականատեսների խոսքերը 1915թ-ի տեղի ունեցած դեպքերի վերաբերյալ:
Պարբերականը նշում է, որ տեղի ունեցածի մասին տեղյակ են բոլորը, սակայն պաշտոնապես ճանաչել են միայն 22 երկրներ:
«Համամարդկային արժեքները, որոնց մասին սիրում են խոսել քաղաքական գործիչները, ոչինչ չարժեն, երբ կշեռքի մյուս նժարին դրված են լինում միլիարդները»,- գրում է պարբերականը:
Ուկրաինական պարբերականը պատմական փաստեր է բերել նաև 1800-ականների վերջին սուլթանի կառավարման տարիներից՝ ընդգծելով, որ հայ ժողովրդի դեմ իրագործված անմարդկային ոճրագործության արմատները ձգվում են հենց այդ տարիները:
Խոսելով Իսրայելի և Գերմանիայի՝ Հայոց ցեղասպանության վերաբերյալ դիրքորոշումների մասին՝ պարբերականը նշում է, որ Իսրայելը ցանկանում է իր ողբերգությամբ մնալ եզակի, այն է՝ եղել է միայն մեկ ցեղսպանություն և դա Հոլոքոստն է:
«Նույն դիրքորոշումն է որդեգրել նաև Գերմանիան: Ինչպես նշել է մեկ գերմանացի «մեզ հերիք է մեկ ցեղասպանությունը և չենք ցանկանում ևս մեկը քարշ տալ»»,- գրում է պարբերականը:
Հոդվածագիրը նշում է, թեև մասնավոր փոխհատուցման կարելի է հասնել, սակայն հողերի վերադարձը սպասելը իրատեսական չէ:
«Եթե անգամ հողերի վերադարձը անհնար է դե յուրե և դե ֆակտո, միևնույն է յուրաքանչյուր հայ է կպնդի ձեզ, որ Արարատ լեռը իրենց է պատկանում»,- եզրափակում է հոդվածագիրը: