Google-ը ներկայացրել է փոքր չափսի HDMI էլեկտրոնային բանալին, որը կարող է ցանկացած հեռուստացույց վերածել լիարժեք համակարգչի:
Ինչպես հաղորդում է Daily Mail-ը` Chromebit կոչվող սարքը կիրառում է Google-ի Chrome OS օպերացիոն համակարգը: Այն պարունակում է լիարժեք գործառույթներով համակարգիչ, որը հեռուստացույցն օգտագործում է որպես էկրան և առանց լարի միացնում է ստեղնաշարը և մկնիկը` Bluetooth-ի միջոցով:
Այս փոքր սարքը, որն իրենից լիարժեք համակարգիչ է ներկայացնում, արժե մոտ 100 դոլար` ըստ Google-ի հաղորդման: Պարզապես միացնելով էկրանին՝ այն կարելի է վերածել համակարգչի:
