Սաուդյան Արաբիայում գործող ռազմա-քաղաքական Ահրար էն-Նաջրան շարժումը իր վերահսկողությունն է հաստատել հարավում գտնվող Նաջրան քաղաքի օդանավակայանում:
Ինչպես հաղորդում է Fars լրատվական գործակալությունը, Սաուդյան Արաբիայի կառավարական ուժերի դեմ արյունալի մարտերից հետո շարժման շարքերում համախմբված ցեղերին հաջողվել է գրավել օդանավակայանը:
Ներկայումս սաուդյան օդուժն իրականացնում է օդանավակայանի ռմբակոծությունը:
Ահրար էն-Նաջրան շարժումը կազմավորվելով վերջերս, անցել է Եմենի շիա ապստամբների կողմը ու նրանցից օժանդակություն խնդրել: Շարժումը հայտարարել է Նաջրան պրովինցիայի անկախությունը, իսկ այժմ լայնամասշտաբ ռազմական գործողություններ է վարում կառավարական ուժերի դեմ:
