Ինչպես հաղորդում է Ռիա Նովոստի գործակալությունը, Սիրիայի մզկիթներից մեկում իրականացված պայթյունի հետեւանքով զոհվել է Ան-Նուսրա խմբավորման 25 գորհային:
Ավելի վաղ հայտնվել էր 10 զոհի մասին:
Պայթյունը տեղի է ունեցել Իդլիբ պրովինցիայի Էրիհա քաղաքի մզկիթներից մեկում, երբ գրոհայինները պատրաստվել են երեկոյան աղոթքի:
Որոշ շրջանառվող տեղեկությունների համաձայն զոհված գրոհայինների թիվը կազմում է 40:
Ահաբեկչության պատասխանատվությունը դեռեւս ոչ մի կազմավորում չի ստանձնել:
Հիշեցնենք, որ 2011թ.-ից Սիրիայում ծավալվող զինված հակամարտության հետեւանքով զոհվել է 220 հազար մարդ, միլիոնավոր բնակիչներ գաղթել են երկրից:
