Ժենյա Ավետիսյան - հայ թատրոնի, հեռուստատեսության և կինոյի դերասանուհի, ասմունքող, ՀԽՍՀ վաստակավոր և ՀՀ Ժողովրդական արտիստ:
Ծնվել է 1941 թվականի հունիսի 10-ին՝ Երևանում:
1957թվականին ավարտել է Երևանի Տիմոշենկոյի անվան № 39 միջնակարգ դպրոցը1957-62 թվականներին սովորել է Երևանի գեղարվեստա-թատերական իստիտուտի դերասանական բաժնում։
1964թվականից հանդես է գալիս Գաբրիել Սունդուկյանի անվան ազգային ակադեմիական թատրոնում՝ ՝ խաղալով 100-ից ավելի ներկայացումներում։
Նկարահանվել է 20-ից ավելի գեղարվեստական ֆիլմերում, որոնցից առավել հիշարժան են «Գիքոր» /1982/, «Ճերմակ անուրջներ» /1985/ «Մարդն Օլիմպոսից» /1974/ և այլն:
1984 թվականին արժանացել է ՀԽՍՀ վաստակավոր, 2004 թվականին` ՀՀ ժողովրդական արտիստի կոչմանը։
2011 թվականին պարգևատրվել է ՀՀ Պետական առաջին կարգի մեդալով, ՀՀ ԱԺ նախագահի հուշամեդալով, Գյումրու «Վարպետաց վարպետ» ոսկե մեդալով, «Անդրանիկ Զորավար» միության և Երևանի քաղաքապետարանի ոսկե մեդալներով։
