ԱՄՆ-ում Պաբլո Պիկասոյի «Կապույտ սենյակը» կտավում հայտնաբերել են տղամարդու կերպար:
Դեռ 6 տարի առաջ այս կտավը ուսումնասիրվել է ինֆրակարմիր ճառագայթների միջոցով, բայց միայն հիմա են կարողացել նայել նկարը՝ ավելի խորը հատուկ տեխնիկաներ օգտագործելով:
Նկարում տղամարդը բաճկոնով է, ձեռքին կա երեք մատանի: Կտավում առկա նկարի գոյության վարկածը եղել է դեռ 50-ական թվականներից: 90-ական թվականներին գեղանկարը ստուգվել է ռենգենյան ճառագայթների միջոցով:
Հիմա փորձագետները փորձում են հասկանալ, թե ով է այդ տղամարդը: Կարծիք կա, որ հենց ինքը՝ Պաբլո Պիկասոն է:
Հիշեցնենք, որ սա առաջին դեպքը չէ, նկարչի մեկ այլ կտավում նույնպես հայտնաբերել են տղամարդու թաքնված կերպարը:
