Ցոյըծնվել է 1962 թ. հունիսի 21-ին Լենինգրադում, ծնողների միակ երեխան էր: Վաղ հասակից նրա մոտ հակում է նկատվում դեպի նկարչությունը:
15 տարեկանում ավարտում է գեղարվեստի միջնակարգ դպրոցը: Այստեղ է ստեղծվում «Палата № 6» խումբը՝ Մաքսիմ Պաշկովի գլխավորությամբ:
1977-ին ընդունվում է Սերովի անվան գեղարվեստի ուսումնարան, որտեղից վատ առաջադիմության պատճառով հեռացվում է:
1981-ի ամռանը Ալեքսեյ Ռիբինի և Օլեգ Վալինսկու հետ հիմնում է «Гарин и гиперболоиды» խումբը, որը նույն թվականի աշնանը դառնում է «Լենինգրադյան ռոք ակումբի» անդամ: Խումբը շուտով փոխում է իր անվանումը «Кино», և Բորիս Գրեբենշիկովի ղեկավարությամբ ձայնագրում է իր առաջին ալբոմը: Որոշ ժամանակ անց, Վիկտոր Ցոյն ու Յուրի Կասպարյանը ձայնագրում են «46» ալբոմը, որը շլացուցիչ հաջողություն է ունենում:
1983-ին գարնանը «Кино»-ն մասնակցում է ռոք ակումբի երկրորդ փառատոնին և արժանանում է դափնեկրի կոչմանը:
1986-ին վերջապես լույս է տեսնում երկար սպասված «Ночь»-ը:
1990թ. հունիսին Մոսկվայում տեղի է ունենում «Կինո»-ի վերջին համերգը:
Ցոյն ու Կասպարյանը սկսում են աշխատել նոր ալբոմի վրա, որը ձայնագրվում է Վիկտոր Ցոյի մահից հետո՝ 1990թ. դեկտեմբերին, և կոչվում է «Սև ալբոմ»:
1990-ի օգոստոսի 15-ին Վիկտոր Ցոյը զոհվում է ավտովթարից. նա քնում է մեքենայի ղեկին, և մեքենան բախվում է ավտոբուսին:
