«Մաթեմատիկա» առարկայի միասնական քննությանը մասնակցել է 5222 դիմորդ, անցողիկ շեմը չի հաղթահարել 11.55 տոկոսը: Analitik.am-ի հետ զրույցում այս մասին տեղեկացրեցին ԳԹԿ արտաքին համագործակցության բաժնից՝ հավելելով, որ միջին գնահատականը եղել է 11.95-ը:
Ըստ այդմ, 7.5-13 բալ հավաքած դիմորդները կազմել են 2756 հոգի կամ ընդհանուր թվի 52.78 տոկոսը, 13-18 բալ հավաքած դիմորդների թիվը 1354 է կամ 25.93տոկոս, իսկ ահա 18-20 միավոր վաստակել է 509 դիմորդ կամ ընդհանուր թվի 9.75 տոկոսը: 20 միավոր հավաքել է ընդամենը 69 հոգի:
