Ինչպես տեղեկացնում է RIYADH պարբերականը, Արաբական երկրների կոալիցիան մտադիր չէ հավատարիմ մնալ ՄԱԿ-ի կողմից հայտարարված հրադադարին, քանի որ ապստամբ շիաները պարբերաբար խախտում են այւն:
Այս մասին հայտնել է կոալիցիոն ուժերի գլխավոր հրամանատար Ահմեդ Ասիրին, նշելով, որ վերահսկողության բացակայության պայմաններում շիա ապստամբները պարբերաբար խախտում են հրադադարի պայմանները:
Հիշեցնենք, որ ավելի վաղ ՄԱԿ-ի նախաձեռնությամբ մահմեդական ռամադանի կապակցությամբ նախնական համաձայնություն էր ձեռք բերվել ժամանակավոր հրադադարի հաստատման մասին:
Կողմերը պարտավորվել էին դադարեցնել ռազմական գործողություններն ու հնարավորություն ընձեռել հումանիտար բեռների անարգել մուտքն երկիր:
Սակայն արաբական երկրների օդուժը հրադադարի հաստատումից 2 ժամ անց ռմբակոծության էր ենթարկել մայրաքաղաք Սանան ու Ադեն նավահանգստային քաղաքը:
